Version FrançaiseEnglish VersionNederlandse versieDeutsch Version
PASS VERDON
1 week in the Gorges du Verdon= 2 campsites to discover the richness of this incredible site

Find out more

Castellane Pèr carriero

​1.    Mountado dóu Reloge

La tourre dóu Reloge es l'uno dei quatorge tourre que coumtavon lei bàrri de Castelano, basti en 1359. Aquesto tourre èro uno dei pouorto d'intrado de la vilo. Li dihien atout pouorto dóu Pounènt estènt qu'èro virado devés lou couchant. Au daut de la tourre dóu Reloge fouguè puei estala un campanié de ferre fourja.

2.    Mountado de la Poudriero

La poudriero èto utio croto cavado souto lei bàrri de la ciéutat, ente gardavon la poudro à canoun, que dre lou siècle quingen se trouvavo proche d'aqui la salo d'armo de l'oustau de vilo de Castelano.

Special Offers

Chalet on campsite at Castellane Mobile-home
Starting from 301 €/Week

Mobile-home at Castellane Chalet
Starting from 350 €/Week

Camping pitches at Castellane Gorges du Verdon Pitches Gorges du Verdon
Starting from 18 €/Night


3.    Carriero soubeirano

Es la carriero la mai auto de vilo. Se Ii pòu enca vèire encuei de vièis oustau basti e rebouca 'mé de gip, aut e estré, de tres o quatre estage d'aussado en geneirau. Au plan-pèd se trouvavo l'estable que dounavo sus la carriero. Puei d'escaIié mountavon au proumier estage ente Ii avié la cuisino e la chambro. Pèr sus, un ou dous estage e enfin lei saIibert ou souleiaire pèr garda lei recorto e lei secan pèr lei frut encapelavon l' oustau.

4.    Rue de la Côte

Carreiròu de la Couosto

5.    Draiòu dóu Baus

Lou Baus es lou quartié lou mai vièi dóu daut de vilo. A vans meme que Ii aguèsse agu de bàrri, Castelano s'espandissè partènt d'aqui. La carriero de la Couosto petmetié de vanega dins lou quartié. Au jour d'encuei, de jardin d'ivèr li soun enca travaia.

6.    Camin de la Tourre

La Tourre pentagounalo a cinq coustat. Es uno anciano «tourre à gouorjo»;  voulènt à dire qu'èro durbido en lèn. Aquéu biais de basti permetié de miés restancas leis atacaire. S'un còup leis enemi se rendien mèstre de la tourre se poudié countinua de lei coumbatre, que se vehien lèn. Uno muraio de brico fouguè ajustado au siècle dès-e-vuechen quouro n'en faguèron un pijounié. Au pèd de la Tourre un jardin bourgés e à l'arrousant èro travaia. Uno partido dòu camin de la Tourre es prouprietàri. La siloueto de la Tourre que se drisso davans lou Roc es pèr tóutei lei Castelanenc lou simbole lou mai fouort de soun identita.

7.    Cerriero de la Parròqui

La carriero de la Parròqui bourdejo la glèio Sant Vitour. Aquesto glèio fouguè la parròqui de Cesteleno dóu siècle quingen au siècle dès-e-nouven. La parròqui se mudè à la glèio dóu Sacre-Couor quouro la bastissèron en 1869.

8.    Carreiròu dei magnin

Lei magnin (que li dihien atout leis estamaire) travaiavon l'estam. En generau barroulaire à tèms passa, puei pau à pau fissa à Castelano, estamavon e ranjavon lei casseirolo, sartan, pouaire, cuié e fourcheto de l' oustau. Quàuquei magnin avien planta caviho dins lou quartié jusqu'à la fin de la Segoundo Guerro Moundialo.

9.    Carriero Sant Vitour

La glèio Sant Vitour dounè soun noum à la carriero. Aquesto glèio fouguè bastido sus d'un bèn qu'apartenié à l'abadié Sant Vitour de Marseio. La faguèron pau à pau, talo qu'es, entre lou siècle dougen et dès-e-vuechen e fouguè classdo « Monument Historique» en 1944. Es d'estile rouman tardiéu, entre-mitan deis art rouman e gouti. Es fourmado coustat Sud d'uno nau e d'uno absido en miejo-luno datant dóu siècle tregen. Un clouchié li fouguè ajusta au siècle quingen. Fouguè puei relargado de douos nau coustiero ei siècle segen e dès-e-vuechen. Encuei la coumuno de Castelano a entreprés sa restauracien pèr fin de li redouna tout soun trelus d'antan.

10.    Plaço dei negouciant

Castelano es despuei toujour la clau entre leis Aup e la Prouvènço, un luec counsequènt d'escàmbi e de negòci. Sei fiero èron noumbrouo e fouorço renoumado. Se li vendié, se li chanjavo de mouloun de bestiàri e de marchandié de touto merço : de blad, de poum, de pero, de pruno, de trufo, de fen, contro d'òli d'óulivo, de vin e de proudu de basso Prouvènço.

11.    Endrouno dóu Palais de Justìci

Castelano aguè un palais de justìci de l’Age-Mejan fin qu'à la debuto dóu siècle vinten. Aquéstou èro situa entre 1730 e 1830 sus la placeto, au cantoun de l'endrouno e de la carriero dóu Mitan, dins l'oustelas ei bèus escalié. La justìci de pas fouguè puei rendudo jusqu'en I927 dins un bastimen que douno sus la Plaço Marcèu Sauvaire e qu'es devengu eiro la Caisso d'Espragno. Uno mouostro soulàri que se li pòu enca vèire, ournavo lou palais.

12.    Endrouno dóu Priéu Laurènzi

Lou Priéu Laurènzi neissè à Castelano en 1719. Après seis estùdi de teoulougié, fouguè nouma à Senés, puei à Castelano devés 1760. Es aqui que s'entreinè a escriéure l’obro majo de sa vido : « L'Istòri de Castelano » que pereissè en 1775, lou meme an que fouguè nouma Priéu-curat de Castelano. Refratàri à la Coustitucien civilo dóu clergié, emigrè souto la Revoulucien Franceso. S'envenguè puei à Castelano e li mourè dins soun oustau de la carriero dóu Mitan en 1808.

13.    Plaço de la Fouont

Aquesto plaço se dihié tèms passa Plaço eis Erbo, estènt que se li tenié lou marcat. La fouont qu'es au bèu mitan es batejado la « Fouont dei lien », Es uno famiho Lien, que restavo aqui, que li a douna soun noum. Sus lou dabas d'uno pouorto, se pou enca vèire de lien fusteja dias lou bouosc. La fouont fouguè ournado d'uno crous, puei d'uno bocho au daut jusqu'à la debuto dóu siècle vinten.

14.    Carreireto de la Cour Reialo

Lou proumié palais de justìci èto à l'endreissiero de la glèio Sant Vitour dóu tèms de la fin de la Barounié de Castelano e à la debuto de la douminacien anjouvino dei Comte de Prouvènço (siècle tregen). A puei chanja de plaço dins la vilo.

15.    Carriero dóu Mitan

La carriero dóu Mitan copo la vilo de part en part. Ero la carriro dei negouciant e dei bourgés. De bèus oustau datant dei siècle dès-e-seten e dès-e-vuechen se Ii vien encaro l'ouro d'encuei. Aquesto carriero es restado coumercanto e pleno de vido.

16.    Plaço dei quatre cantoun

Duis lou tèms, doui cerreiràu se li crousavon d'aqui soun noum. Un oustau s'encalè puei au siècle dès-e-nouven ce que dounè la plaço.

17.    Carriero dóu Pourtau dei bòu

Aquesto carreireto meno à la plaço de la glèio en passant pèr la Pouorto de l'Anounciado. Es aqui, qu'au siècle dès-e-vuechen (avans la Revoulucien Franceso) se recampavo lou rai de bòu dei Castelanenc pèr lou mena en mountagno, proubable sus Destourbo. Lei bòu servien pèr laura. De bouié paga pèr la coumuno lei gardavon.

18.    Pouorto de l'Anounciado

La Pouorto de l'Anounciado es l'uno dei pouorto d'intrado de la vilo; li dien atout pouorto dóu Levant que se duerbe à l'est. Soun noum gardo lou souveni dóu roumeirage de Castelano, fèsto de l'Anounciacien de la Vièrgi Marìo, dicho dins lou tèms : l'Anounciado, que se debano nourmalamen lou 25 de Mars. A Castelano despuei uno bravo vòuto, aquesto fèsto es estado remandado au darnié dimenche de mai, pèr proufita dóu printèms revengu. Es davans la pouorto de l'Anounciado que Castelano fèsto atout lou Petardié, en coustume e en cansoun, lou darnié dimenche de Janvié.

19.    Carriero dóu Teissoun

Aquesto carriero permete de vanega en vilo darrié lou bàrri. Pendènt fouorço tèms la carriero dóu Teissoun es restsdo sourno e sènso lume, un counduch li passavo que menavo leis aigo bruto fouoro la vilo. D'aqui soun noum que fa referènci au teissoun que se souorte au trecoula dóu soulèu e cavo de trau lèn terro.

20.    Endrouno proche lou fourt

Es lou soulet souveni dei tres ancian fourt coumunau de Castelano. Lou proumié se trouvavo au daut de vilo, lou segound proche de la glèio dou Sacre-Couor e enfin lou tresenc dins l'endrouno. Jusqu'au siècle passa, lou fourt servié ei boulangié e ei Castelanenc que se pastavon au siéu. Es un fournié que s'óucupavo alor de la cuecho dóu pan.

21.    Cerriero de la Fouont

Au siècle dès-e-nouven, uno fouont èro plaçado au cantoun de la carriero de la fouont e de la carriero dóu lavaire. Se vèi plus rèn encuei de tout acò.

22.    Carriero de l'architèite Feraud

Lei Feraud soun uno famiho d' architèite  couneissu au siècle dès-e-seten e dès-vuechen. Soun esta d'aquélei qu'an agrandi la glèio Sant Vitour e qu'an basti la capello dóu couvènt dei paire de la Merci. D'arc en formo de « maneio » marcon soun gàubi d'artisto. Aquéstou biais se pou vèire encaro plaço de la Fouont dins lou dessin d'uno pouorto d'oustau.

23.    Carriero dóu lavaire

Dapèd la fouont encuei encalado e gaire luen de la Carriero d'en Valat (Carriero Naciounalo d'encuei) que recebié leis escourriho, un lavaire èro estala pèr carriero. Ero un luec de rescouontre pèr lei fremo. Li lavavon lou linge e li blagavon tant que poudien. A l'ouro d'encuei, li a plus ges de lavaire à Castelano.

24.    Carriero dóu Masèu

Lou Masèu (ancianamen: lo masel ou lo mel 15e siècle) èro la boucharié, lou tuadou. De bouchié o maselié devien à còup segur viéure dins lou quartié à l'Age-Mejan.

25.    Lou Courdoun

ou Courdoun es lou pichoun cours que sègue l'ancian bàrri dounant sus la plaço Marcèu Sauvaire. S'estiro de l'ancian palais de justìci (atualo Caisso d'Espragno) fin qu'à la Tourre qu'es à la cantounado. Lou Courdoun èro, tèms passa, la « Proumenado » dei gènt dóu gros grum de Castelano. Encuei encaro, l'endrech es anima. Se li trovo de noumbrous cafè e restaurant e es toujour un luec de recouontre tant pèr lei Castelanenc que pèr leis estivant.

26.    Ancienamen Plaça de la Gravo

Es estado rebatejado ensin en l' ounour de Marcèu Sauvaire, resistant Castelanenc que fouguè fusiha à Nouostro Damo lou jour de la Iiberacien de Castelano, lou 17 d'oust 1944. A-n-aquesto plaço, Ii dihien dins lou tèms, plaço de la Gravo. Avans que bastissèsson la barricado au siècle dès-e-vuechen, Verdoun veillé reguIieramen Ii carreja sa gravo quouro venié.

27.    Plaço de la glèio

La glèio dóu Sacre-Couor dato de la segoundo mita dóu siècle dès-e-nouven. Sieguè bastido entre 1869 et 1873. Devenguè à-n-aquelo epoco la glèio parrouquialo de Castelano, estènt que Sant Vitour èro counsiderado coumo tròup vieianchouno. Es l'abat Pougnet, pièire e architèite au còup, que beilejè lou chantié de la glèio novo. Aquèu marsihés visquè en Africo Oucidentalo Franceso e Ii bastissè fouorço glèio. Es pèr acò que la glèio dou Sacre Couor a la perticularita d'èstre agudo bastido sus lou moudèle dei glèio AOF dins lou meme tèms. Se Ii pòu remarca uno enfluènço roumantico dins soun decor architeiturau .

28.    Carriero de la Merci

L'ordre de la Merci sieguè founda dins lou tèms dei Crousado. En intrant dins leis ordre, lei paire de la Merci fahien quatre vot que l'un èto lou doun de sa vido. Jusqu'à la Revoulucien, sa toco proumiero èro de rabaia d'argènt pèr recroumpa e redouna la liberte eis esclau. Soun proumié couvènt èro sus lou Roc, proche de la capello. Lou segound couvènt, basti en vilo, dounè soun noum à la carriero.

29.    Mountado dei Fountinello

Lei Fountinello soun de pichounei sourço que raion au dabas dóu Serre. Seivien à arrousa de jardin. L'aigo que soubravo s'escoulavo dins un valoun lou long dóu bàrri, fouoro vilo, e servié eis endustrié de la bourgado. Sus lou camin dóu Roc, se pou enca vèire un counduch ente l'aigo passavo souto-terro.

30.    Cerriero de la Pas

31.    Carreireto dei menusié

Dins aquesto pichoto carriero, situado de l'autre coustat de la plaço de la glèio, dins la bourgado, se trouvavon dins lou tèms lei fustié. Lou mai ancianamen, un charroun, puei quatre mesteirau menusié travaièron aperaqui. Lou darnier atelié es ana s'estala en un autre endrech en 1982.

32.    Endrouno de la Bourgado

La Bourgado es lou quartié fouoro-bàrri, situa en defouoro de la vilo. La pas revengudo e la poupulacien de la vilo creissènt, Castelano deguè s'agrandi e sourti de sei bàrri après 1500. Au levant, se bastissè la proumiero bourgado, puei au couchant, un pau plus tard, lou balouard Sant Miquèu. Finalamen la vilo s'agrandissè au Sud sus de terro gagnado sus la maire de Verdoun.

33.    Carriero dóu Luetenènt Blondeau

Lou Luetenènt Blondeau èro chèfe à la Gendarmarié Naciounalo à la fin dóu siècle dès-e-nouven. Lou bastimen de la Gendarmarié èro basti d'aquéu tèms au bout de la carriero, en intrant à Castelano pèr lou camin de Grasso.

34.    Endrouno deis esteble

Lies oustau d’aquesto endrouno avien de grands estable que tenien tout lou pland-pèd. Aquéleis estable ‘ mé sei grùpi e sei rastelié dins lou founs servien à remisa lou bestiàri dóu tèms dei fiero.

35.    Carriero Sant Jan dóu Bouonur

Pèr Sant Jan à la debute de l'estiéu, leis abitant d'aquelo carriero se soun acoustuma de se retrouva. Souorton sei tauIié e fan un bouon repast ensèn, danson e s'amuson dins l'amista partejado. Es ensin qu'un sero de fèsto, decidèron de bateja sa carriero : Sant Jan dóu Bouonur. Coumo avié enca ges de noum, la carriero Sant Jan dóu Bouonur fouguè adoutado pèr tôutei e lou noum Ii a plus toumba.

36.    Vièi carnin de Grassa

Castelano es situado sus la « Routo Napouleoun » anciano Naciounalo 85, que vai de Grasso fin qu'à Grenoble. A mita-camin entre Aup e Prouvènço basso èro un luec de passage òubIija pèr lei negouciant, lei mulatié e leis escabouot qu'amountagnavon. Aquélei èron tóutei fourça de passa lou pouont dóu Roc que mai de dès siècle de tèms, èro lou soulet endrech pèr passa Verdoun. Uno journado de camin bastavo pèr arriba à Grasso. Despuei leis annado 1960, lou camin de Grasso a chanja e passo à coustat sus un pouont mai largo. Aquelo routo, fouorço trevado dei visitaire, fai lou Iian de Castelano à la basso Prouvènço e à la Couosto d'Azur.

37.    Lou Pouant dóu Roc

Lou Pouont dóu Roc dato proubablamen dei Rouman meme se soun óurigino es mau couneissudo. S'es prefounda puei refa mant un coup entre lei siècle oungen e quingen. Pounch estrategi pèr passa Verdoun, a tengu despuei l'Age- Mejan, tant coumo a pouscu, ei debord de la ribiero. Es fa d'uno vouto de pèiro d'uno souleto arco, dicho en «esquino d'ai », Un proumié pouont Baileyen metau basti dins leis annado 1960, puei lou pouont de eiro fach en 1982, mai larg e mai prati an desenant escarta dóu vièi pouont la circulacien autoumoubilo. Lou site fouguè classa en 1940. Lou pouont dóu Roc duou èstre restaura pèr la coumuno d'aqui'n pau pèr fin de li redouna sa grandour.

38.    Carriero de la Gravo

39.    Camin deis àuteis Listo

Lou camin deis àuteis Listo mena au quartié dei Listo. Aquéstou quartié sieguè pau à pau gagna sus la maire de Verdoun bouonendi la barricado que se faguè au siècle dès-e-vuechen. Lei terro counquisto fouguèron partejado en bendo estrecho dicho « listo » en prouvençau. Encuei lou quartié s'es basti, mai fouguè longtèms uno bello campagno pleno de prat, de jardin e de vergié à l'arrousant, gràci au valat dei Listo. Dins lou tèms, l'aigo dóu valat èro partejado en ouro d'aigo e virado de pertout pèr lou biais dei marteliero.

40.    Carriero deis Iero

41.    Plaço deis Iero

La carriero deis Iero menavo sus la plaço eis Iero. Leis iero pèr cauca lou blad se situavon d'en proumié sus la Plaço Marcèu Sauvaire (o de la Gravo). Bouonendi la barricado e lei terre gagna do sus Verdoun, Ieis iero se soun despleçado fouoro vilo proche la ribiero. En aquéstou ròdou li avié proun plaço pèr fa lei garbiero e leis iròu de cadun.

42.    Camin de la Barricado

Lei Castelanenc an toujour vougu se para de Verdoun. De banasto de bouosc, remplido de pèiro e de sablo èron plantado sus lei ribo de Verdoun pèr louha contro sei debord, acô dre lou siècle quingen. Mai èron souvènt derrabado e pas proun soulido pèr fa restanco à la ribiero. Uno levado, dicho eici « la Barricado », fouguè puei bastido au siècle dès-e-vuechen. Acabado en 1765, fourmado de gros queiroun de freiau, èro enfin proun soulido pèr teni Verdoun. Fouguè counsoulidado ei siècle dès-e-nouven e vinten. Lou camin de la barricado bourdejo la muraio.

43.    Avengudo Frederi Mistral

Disciple de Frederi Mistral, Marcèu Provence, journalisto sestian, mandè l'idié e ourganisè dins lei Bàsseis-Aup, lei «Saisons de l'Art Alpin », fèsto en l'ounour dóu patrimòni e dei tradicien prouvençalo. A fa regreia un mouvamen identitàri e fóuclouri dins tout lou despartemen, e noutamen à Castelano après 1930. Uno escolo felibrenco, « L'escolo de Verdoun », d'enquisto etnougrafico, d'espousicien sieguèron facho pèr ramenta l'istòri e lou patrimòni loucau. A Castelano, un musèu deis Art e Tradicien Poupulàri coumencè de se faire en d'aquéu tèms gràci ei doun deis abitant, malurousamen tout fouguè lèu eissampaia.

44.    Carriero dóu 11 nouvèmbre

45.    Ancianamen Carriero dóu Valat

La carriero Naciounalo  se dihié dins lou tèms carriero dóu Marescau Foch, e mai ancianamen encaro, carriero d'en Valat. Lou valat que carrejavo leis bourdiho de la vilo li raiavo au mitan avans de s'ana jita dins Verdoun.

46.    Endrouno dei Jardin

Li a pas gaire de tètns encaro, aquesto endrouno menavo au quartié dei jardin. Proche de la carriero Naciounalo  , se li trouvavon atout de noumbrous pratvergié. Au siècle dès-e-nouven, uno partido dóu quartié venguè à l'arrousant quouro se li faguè un valat que ribejo en caro encuei la carriero dóu 11 de nouvèmbre.

47.    Plaço dóu Souveni Francés

La Plaço dóu Souveni Francés se dihié dins lou tèms Plaço de la Republico. Au bèu mitan de la plaço l'estatuo de Mariano, simbole de la Republico es estado remplaçado pèr lou Mounumen ei Mouort, en oumenage ei sourdat toumba à la proumiero e à la Segoundo Guerro Moundialo. L'estatuo de Mariano es estado plaçado encuei plaço Marcèu Sauvaire.

48.    Balouard Sant Miquèu

Uno capello dedicado à Sant Miquèu dounè soun noum au balouard. Sabèn pas encuei ente se trouvavo.

49.    Placeto dóu granié

Dins lou tèms, cado Coumunauta avié soun granié à-n-elo. Aquéu gran èro presta ei gènt, s'un còup capitavo uno secaresso, uno carestié ou tout autre malastre.

50.    Endrouno dei Vesitandino

L'endrouno bourdejo sus l'arrié l'ancian couvènt qu'èro situa autreifes ente se trovo la biblioutèco d'encuei. Aquéu couvènt dei Vesitandino fouguè founda au siècle dès-e-seten. Recampavo de doumeisello noblo e li pourgié uno educacien seriouso. Lou couvènt à l'epoco ero toucant lou palais de Mounsegnour Jan Soanen, evesque de Senés de 1695 à 1727. Mgr Soanen sieguè predicaire en Prouvinço puei à Paris avans d'èstre nouma evesque. Aguè uno grando renoumado e s'afeciounè eis afaire de soun dioucèsi que Casteleno n'èro la vilo majo.

51.    Camin dei vertu

Aquéu noum, fouorço espandi un pau d'en pertout, permetié d'evouca, au rebous de ce que pourrian crèire à proumiero vista, un endrech treva pèr fremo ou de fiho dicho « de pichouno vertu »,

52.    Camin dóu Roc

Lou camin dóu Roc ribejo lei bàrri de l'Age Mejan e passo à coustat de la Tourre Pentagounalo. Puei, serpatejo tout proche dei rouino de Petra Castellana e de la pouorto de Sant Andrè pèr arriba fin-finalo à 911 m d'aussado, en tèsto dóu Roc. Lou camin de crous que dato de la fin dóu siècle dès-e- nouven, estènt à pau près dóu meme tèms que la glèio dóu Sacre-Couor, fai l'acoumpagnado lou long dóu camin emé sei quatorge óuretòri. De noumbrouei proucessien mountavon cade an au Roc prega la Vierge entre lei douos Nouostro-Damo: la mai impourtanto belèu, èro aquelo de Pandecousto. Lei castelanenc li mountavon en proucessien e li pourtavon la biasso. L' estatuo de la Vièrgi miraculouo èro calado cade an pèr lou tèms de la fèsto. Uno autro proucessien, ei flambèu, se debano encaro encuei pèr lou 15 oust.




Back to questions on The streets of Castellane

Other information
Other categories